فرمان الہی
نماز کے اوقات
کراچی (اسٹاف رپورٹر) بین الصوبائی رابطے کی وزارت نے چیئرمین پی سی بی مینجمنٹ کمیٹی ذکاء اشرف کو نوٹس جاری کرتے ہوئے ان سے پی سی بی معاملات پر جامع رپورٹ طلب کی ہے۔ گیارہ اکتوبر کو آئی پی سی کے سیکشن آفیسر عدیل اسلم نے لکھا ہے کہ پانچ جولائی کو بننے والی مینجمنٹ کمیٹی فوری طور پر تفصیلی رپورٹ پیش کرے۔ جنگ کے پاس موجودخط کے مطابق پوچھا گیا ہے کہ4 مہینے میں کون کون سے کام ہوئے ہیں۔ تمام ترتفصیلات سے آگاہ کیاجائے۔ بورڈ آف گورنرز میں ڈیپارٹمنٹس اور ریجن کے نمائندوں کےتقرر کیلئے کیا معیار رکھا گیا ہے، چیئرمین پی سی بی کے الیکشن کے لئے اب تک مینجمنٹ کمیٹی نے کیا اقدامات کئے۔ ذکاء اشرف کےدور میں ہونے والی مستقل اور عارضی تعیناتیوں اوراخراجات کی تفصیلات وزارت کو فراہم کی جائیں۔
