فرمان الہی
نماز کے اوقات
کراچی (اسٹاف رپورٹر) احمد آباد میں پاکستانی کرکٹ ٹیم میچ ہارنے کے باوجود شائقین کے دل جیت گئی اور ہزاروں شائقین پاکستانی کرکٹرز کی جھلک دیکھنے کے لئے بے تاب دکھائی دیئے۔ پاکستان کرکٹ بورڈ کی جانب سے سماجی رابطے کی سائٹ پر ویڈیو شیئر کی گئی جو سوشل میڈیا پر تیزی سے وائرل ہوئی ہے جس میں دیکھا ہے کہ روایتی حریف پاکستان اور بھارت کے درمیان اہم ٹاکرے سے قبل قومی ٹیم کی اسٹیڈیم روانگی کے موقع پر احمد آباد کی سڑکوں پر شائقین کرکٹ پاکستانی اسٹارز کی ایک جھلک دیکھنے شائقین کا ہجوم امڈ آیا۔ پاکستان اور بھارت کے درمیان میچ سے قبل ہونے والی تقریب ٹی وی پر نشر پر نہیں کرنے کا اعلان کیا تھا، اس تقریب میں بالی ووڈ اسٹارز امیتابھ بچن، رجنی کانت، انشکا شرما سمیت کئی اداکار شریک تھے جبکہ اریجیت سنگھ سمیت دیگر گلوکاروں نے پرفارم کیا تھا قریب سے گراؤنڈ میں بیٹھے شائقین ہی محظوظ ہوتے رہے جبکہ اسے دنیا بھر میں موجود شائقین نہ دیکھ سکے۔ نریندر مودی اسٹیڈیم میں پاکستان کی اننگز کے اختتام پر میوزک کنسرٹ ہوا، جس میں سب سے پہلے درشن راول جلو گر ہوئے۔ اس موقع پر معروف گلوکارہ نیہا ککڑ نے بھی اپنی آواز کا جادو جگایا۔ یاد رہے کہ ورلڈ کپ 2023 کے آغاز پر منعقد ہونے والی افتتاحی تقریب سیکیورٹی خدشات کی بنیاد پر منسوخ کردی گئی تھی۔
