فرمان الہی
نماز کے اوقات
گوجرانوالہ (نمائندہ جنگ، مانیٹرنگ ڈیسک) تھانہ اروپ کے علاقے میں زیر تعلیم دو فلسطینی طلباء کو مسلح افرادنے تیز دھار آلے سے حملہ کرکے زخمی کردیا.
پولیس نے ملزمان کیخلاف مقدمہ درج کر لیا ہے، بتایا جاتا ہے کہ تھانہ اروپ کے علاقہ میں زیر تعلیم دو غیرملکی طالبعلوں کو مسلح افراد نے تیز دھار آلے سے حملہ کرکے زخمی کردیا متاثرہ طالبعلموں کو طبی امداد کیلئے اسپتال منتقل کر دیا گیا۔
پولیس کے مطابق متاثرہ طالبعلم خلدون اور عبدالکریم گوجرانوالہ میڈیکل کالج میں زیر تعلیم ہیں اور ایک پرائیویٹ عمارت میں رہائش پذیر ہیں اسی عمارت میں دیگر نوجوان بھی رہائش پذیر ہیں کچھ اوباش نوجوانوں کی جانب سے غیر ملکی طالبات کو چھیڑنے سے منع کرنے پر چند روز قبل غیر ملکی طالبعلموں کی ملزمان کے ساتھ نوک جھونک بھی ہوئی تھی جسکی رنجش پر اوباش نوجوانوں نے غیر ملکی طالب علموں کو تشدد کا نشانہ بنایا۔
پولیس کا کہنا ہے کہ ملزمان ملک سفیان ،رافع بٹ ،حمزہ علی کمبوہ اور دو کس نامعلوم افراد کیخلاف مقدمہ درج کر کے تحقیقات کا آغاز کر دیا گیا ہے جلد گرفتار کر لیا جائیگا۔
