• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف سے لوگوں کو ہمدردی اور کارکنوں میں جوش ہے، احسن اقبال

آج کا اخبار
اہم خبریں
21 اکتوبر ، 2023
کراچی (ٹی وی رپورٹ) جیو کے پروگرام ’’نیا پاکستان شہزاد اقبال کے ساتھ‘‘ میں گفتگو کرتے ہوئے ن لیگ کے سینئر رہنما احسن اقبال نے کہا ہے کہ نواز شریف کے ساتھ لوگوں کو ہمدردی اور کارکنوں میں جوش ہے، الیکشن کے بعد مینڈیٹ ملا تو یکسوئی کے ساتھ معاشی بحالی کے پلان پر عمل کریں گے،ہم چاہتے ہیں اسٹیبلشمنٹ، عدلیہ، سیاستدان سب مل کر ملک کو معاشی بحران سے نکالنے کیلئے کام کریں،سابق ٹیسٹ کرکٹر عبدالرزاق نے کہا کہ بابراعظم نے ٹاس جیت کر پہلے باؤلنگ کا اچھا فیصلہ کیا،سابق کرکٹر سکندر بخت نے کہا کہ بابراعظم اسپنرز کیخلاف پھنس جاتے ہیں۔ن لیگ کے سینئر رہنما احسن اقبال نے کہا کہ نواز شریف خصوصی طیارے کے ذریعہ پاکستان آرہے ہیں، اس خصوصی طیارے کو روٹ کے مطابق اسلام آباد میں ٹیکنیکل لینڈنگ کرنی ہے، نواز شریف اسلام آباد سے لاہور ایئرپورٹ پہنچیں گے، نواز شریف آج شام مینار پاکستان پر ایک عظیم الشان جلسے سے خطاب کریں گے، عوام سمجھ چکے ہیں 2017 ء میں نواز شریف کے ساتھ زیادتی ہوئی ہے، نواز شریف کو نااہلی،قید کے ساتھ ذاتی اذیت بھی دی گئی تھی۔
اہم خبریں سے مزید