• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی میں ڈاکوؤں کی لوٹ مار، مزاحمت پر فائرنگ سے نوجوان جاں بحق

میرا شہر
اسلام آباد
22 اکتوبر ، 2023
راولپنڈی (سٹاف رپورٹر) راولپنڈی میں ڈاکوئوں کی لوٹ مار میں شہری لٹتے رہے مگرپولیس خاموش تماشائی بن گئی ۔گن پوائنٹ پر 6موٹر سائیکل چھین لئے گئے ، ڈاکوؤں نے فائرنگ کر کے ایک نوجوان کو موت کے گھاٹ بھی اتاردیا، سرقہ باالجبر اور چوری و راہ زنی کی 91وارداتوں میں شہری ایک گاڑی 35 موٹرسائیکلوں ،طلائی زیورات ،موبائل فونز،نقدی اور دیگر اشیاء سے محروم ہوگئے ،20افراد سے جھپٹا مارکران کے موبائل چھین لئے گئے۔ تھانہ سٹی کے علاقہ لیاقت روڈ پرتین نامعلو م ملزمان گن پوائنٹ پرمحمد عدنان کاموٹر سائیکل اور 7ہزارروپے ،تھانہ رتہ امرال کے علاقہ ریلوے کوارٹرزکے قریب تین ملزمان گن پوائنٹ پر عدنان ذکی کاموٹر سائیکل اور موبائل ،تھانہ بنی کے علاقہ انگت پورہ میں نامعلوم موٹرسائیکل سوار اسلحہ کی نوک پر محمد عثمان سے 2 موبائل،تھانہ نیوٹاؤن کے علاقہ سسکتھ روڈ پرتین نامعلوم ملزمان گن پوائنٹ پر مشرف مسیح کاموٹرسائیکل ، نیوکٹاریاں میں تین نامعلوم ملزمان اسلحہ کی نوک پر محمد یاسین کی باربر شاپ سے موبائل اور 60ہزار روپے ،تھانہ صادق آباد کے علاقہ میں دو مسلح ملزمان اعجاز حسین کے گھرسے موبائل،طلائی چین اور 10ہزار روپے ، ڈھوک کشمیریاں میں دونامعلوم ملزمان عبدالہادی سے اسلحہ کی نوک پر موبائل ، لیپ ٹاپ اور 5ہزار روپے ، فاروق اعظم روڈ پر دونامعلوم ملزمان اسلحہ کی نوک پر ریحان فاروق سے 30ہزارروپے اورایک عورت سے 2 چوڑیاں،تھانہ نصیرآبادکے علاقہ میں دونامعلوم لڑکے محمد زعیم طارق اور اس کے کزن سے اسلحہ کی نوک پر موٹرسائیکل اور 2موبائل ،تھانہ ریس کورس کے علاقہ کیانی روڈ پر وسیم سے دولڑکے گن پوائنٹ پر موٹرسائیکل، ڈھوک بنارس میں تین نامعلوم ملزمان کامران خان عبداللہ خان سے اسلحہ کی نوک پرموٹرسائیکل اور موبائل ،تھانہ ائرپورٹ کے علاقہ غریب آبادمیں ڈیلیوری بوائےمحمد ابو بکر سے نامعلوم لڑکا گن پوائنٹ پر موبائل ، 5ہزار روپے 2پیزے اورایک 5برگر ،تھانہ صدربیرونی کے علاقہ داہگل قبرستان کے قریب دوموٹرسائیکل سوار محمد ایاز سے اسلحہ کی نوک پر9ہزار روپے اور موبائل ، تین نامعلوم ملزمان زوہیب نثار کی کریانہ کی دکان سے ایک لاکھ بیس ہزارروپے اور 10 ہزار روپے کاسامان ،تھانہ روات کے علاقہ میں محمد سلیمان سے ایک مرد اور عورت جن کے ساتھ 6 سال کا بچہ تھا سواری بن کر اس کاموٹرسائیکل ، باغ راجگان موڑ پرمحمد کامران اور اس کے کزن عبداللہ سے 2موٹرسائیکل سوار اسلحہ کی نوکدو موبائل، سروس کارڈ، شناختی کارڈ، اے ٹی ایم کارڈ اور 19ہزارروپے چھین کرلے گئے ۔تھانہ واہ کینٹ کو توقیر عباس نے بتایاکہگڑھی افغاناں میں میرے کریانہ سٹور سے دو نامعلوم موٹرسائیکل سوارسے گن پوائنٹ پر2 موبائل اور غلےسے 35ہزار روپےچھین کر فراہوئے، مدعی اور اس کے بھائی سفیان نے اپنے موٹرسائیکل پر ان کاپیچھاکیا اور فون پر اپنے خالہ زاد حمادکو اطلاع دی۔ حماد اور وقاص نے روڈ کے درمیان ملزموں کوروکنے کی کوشش کی تو موٹرسائیکل پرپیچھے بیٹھے ملزم نے فائر حماد پر کیا جو اسے پیٹ پر لگا اور وہ زخموں کی تاب نہ لاتے ہوئے ہسپتال پہنچ کردم توڑ گیا۔تھانہ بنی کے علاقہ مری روڈ پر تین نامعلوم ملزمان عبدالرزاق کے ملازم خرم سے8لاکھ روپے ،چاندنی چوک میں اسامہ علوی کے دفتر سے 4 لیپ ٹاپ ،میٹروبس میں دوران سفر چندہ پروین کے 40 ہزار روپے اور موبائل ،کوٹھا کلاں میں امتیاز بی بی کے گھر سے طلائی زیورات مالیتی 12لاکھ روپے چوری کرلئے گئے ۔
اسلام آباد سے مزید