فرمان الہی
نماز کے اوقات
کراچی (اسٹا ف رپورٹر) سری لنکا انڈر19 نے پاکستان انڈر19 کو چوتھے ون ڈے میں 3 وکٹوں سے شکست دے کر سیریز دو دو سے برابر کرلی۔ اتوار کو نیشنل بینک اسٹیڈیم کراچی میں پاکستان انڈر 19 ٹیم 43.1 اوورز میں 186 رنز بناکر آؤٹ ہوگئی۔ شاہ زیب خان نے 111 گیندوں پر 80 رنز کی عمدہ اننگز کھیلی جس میں 4 چوکے اور3 چھکے شامل تھے۔ کپتان سعد بیگ 3 چوکوں کی مدد سے 45 رنز بناکر آؤٹ ہوئے۔ لیگ اسپنر مالشا تھاروپاتھی نے صرف 17 رنزدے کر 4 وکٹیں حاصل کیں۔ سری لنکا نے مطلوبہ اسکور 40.4 اوورز میں 7 وکٹ پر پورا کرلیا۔ دینورا کالو پاہانہ نے پانچ چوکوں اور ایک چھکے کی مدد سے61 اور روساندا گاماگے نے دو چوکوں کی مدد سے 46 رنز اسکور کیے۔
