• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یہ تو ٹریلر تھا، اصل میں تو بلاول کو وزیراعظم بنوانا ہے، مرتضیٰ وہاب

آج کا اخبار
اہم خبریں
06 نومبر ، 2023
کراچی (نیوز ڈیسک) میئرکراچی مرتضیٰ وہاب نےاپنی جیت پیپلزپارٹی کےکارکنوں کےنام کرتے ہوئے کہا کہ یہ توصرف ٹریلرتھااصل میں توعام اِنتخابات میں بلاول بھٹو کووزیراعظم بنواناہے، ہم پر لوگ غیر مقامی ہونے کا الزام لگاتے ہیں۔ میڈیا سے گفتگو کرتے ہوئے مرتضیٰ وہاب نے کہا کہ آج وہ نعرہ سچ ہوگیا، تم کتنے بھٹو مارو گے ہر گھر سے بھٹونکلےگا،اس جوش کوایسےہی زندہ رکھناہےجب تک بلاول بھٹو وزیراعظم نہیں بنتے۔ انہوں نے کہا کہ مجھے سلیکٹڈ کہنے والوں کیلئے اتنا ہی کافی ہے کہ آج لوگوں نے محبت دکھائی ہے، میرے لیے پورا کراچی ہی میری یوسی ہے ساری یوسیز میری ہیں، مجھے کونسی سیٹ رکھنی ہے اور کونسی نہیں یہ فیصلہ پارٹی کریگی۔ انہوں نے کہا کہ جہاں جہاں پانی مافیا کام کررہی ہے ہم اس پر کارروائی کررہے ہیں، ہم تعصب اور کینہ پروری والی سیاست نہیں کریں گے، الیکشن کسی اور جگہ پر ہوتا ہے تو الیکشن کمیشن خراب ہو جاتاہے۔ انہوں نے کہا کہ جب الیکشن ضلع وسطیٰ میں ہوتا ہے تو الیکشن کمیشن ٹھیک ہو جاتاہے، پیپلز پارٹی اکیلے لڑ رہی ہے،پی ٹی آئی اور جماعت ایک ساتھ لڑرہےہیں۔
اہم خبریں سے مزید