فرمان الہی
نماز کے اوقات
کراچی (جنگ نیوز) پاکستان کرکٹ بورڈ مینجمنٹ کمیٹی کے سربراہ ذکاء اشرف نے کہا ہے کہ قومی ٹیم متحد ہے، کرکٹ دشمن فضول کہانیاں اڑا رہے ہیں۔ ٹیم میں تبدیلیوں سے متعلق ورلڈکپ کے بعد ٹیکنکل ٹیم سے مشاورت ہوگی۔ شاہد آفریدی بھی بڑا نام ہیں۔بہاولپور میں میڈیا سے گفتگو میں انہوں نے کہا کہ ہمارے اوپنر نے گزشتہ میچ میں کمال کی کارکردگی دکھائی ۔ ہمارے کرکٹرز کو بہت کم پیسے ملتے ہیں، اس لیے کرکٹرز کے کنٹریکٹ منی میں اضافہ کیا۔ بابر اعظم سے کوئی بات چیت نہیں ہوئی ، کرکٹرز کے ساتھ مشاورت کر کے چلتا ہوں۔ انضمام الحق اچھے کرکٹر تھے، ملک کیلئے اچھا کام کیا، ٹیم کی موجودہ کارکردگی کے حوالے سے مستعفی ہوئے ۔ پی سی بی مینجمنٹ کمیٹی کے سربراہ نے کہا کہ پی ایس ایل کے سوا کھلاڑیوں کو صرف ایک لیگ کھیلنے کی اجازت دیں گے۔ پاکستان ٹیم کے کھلاڑی سٹے بازی میں شامل نہیں انہوں نے یہ بھی کہا کہ آئین اور قانون کے مطابق کرکٹ ایسوسی ایشن کے انتخابات ہوں گے۔
