• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی‘ لاہور‘ کوہاٹ میں نئے ایڈیشنل کلکٹر کسٹمز نے عہدے سنبھال لئے

آج کا اخبار
اہم خبریں
12 نومبر ، 2023
اسلام آباد (رپورٹ:حنیف خالد) فیڈرل بورڈ آف ریونیو نے کراچی‘ لاہور‘ کوہاٹ اور دوسرے شہروں میں پاکستان کسٹم سروس کے سینئر عہدیداروں کے تقررو تبادلوں کا نوٹیفکیشن جاری کر دیا ۔نئے عہدیداروں میں حنا گل‘ ثوبیہ کرن‘ علی اکبر‘ طاہر اقبال‘ کلیم اللہ‘ انعام اللہ شامل ہیں، نوٹیفکیشن نمبر 3108سی ٹو 2023ء کے مطابق آئندہ ہفتے لاہور‘ کوہاٹ‘ کراچی میں 6 نئے ایڈیشنل کلکٹر اپنے نئے عہدے سنبھالیں گے جبکہ پاکستان کسٹم سروس بنیادی سکیل 18کے ڈپٹی ڈائریکٹر انٹیلی جنس اینڈ انوسٹی گیشن کراچی کو ایڈیشنل ڈائریکٹر انٹیلی جنس اینڈ انوسٹی گیشن کراچی بنا دیا گیا ۔ پاکستان کسٹم سروس بنیادی سکیل 19کی مس حنا گل کو ایڈیشنل کلکٹر کلکٹریٹ آف کسٹمز علامہ اقبال انٹرنیشنل ائرپورٹ لاہور مقرر کیا گیا ہے۔ مس ثوبیہ کرن بنیادی سکیل 19کو ایڈیشنل کلکٹر ایڈیشنل کلکٹر لاہور کسٹم انفورسمنٹ مقرر کیا گیا ہے۔ سید علی اکبر کو ایڈیشنل کلکٹر لاہور کسٹمز انفورسمنٹ تعینات کیا گیا ہے۔ ڈاکٹر طاہر اقبال خٹک بنیادی سکیل 19پاکستان کسٹم سروس کو ایڈیشنل کلکٹر کلکٹریٹ آف کسٹم اپریزمنٹ کوہاٹ بنایا گیا ہے۔ کلیم اللہ بنیادی سکیل 19کو ایڈیشنل کلکٹر کلکٹریٹ آف کسٹم ہائوس کراچی تعینات کیا گیا ہے۔ انعام اللہ کو ایڈیشنل ڈائریکٹر ڈائریکٹریٹ آف انٹیلی جنس اینڈ انوسٹی گیشن کراچی تعینات کیا گیاہے۔
اہم خبریں سے مزید