کوئٹہ(اسٹاف رپورٹر) سول لائن پولیس نے موٹر سائیکل چوری کرنے اور چھیننے والے گروہ کے سرغنہ سمیت دو افراد کو گرفتار کر کے تین مسروقہ موٹر سائیکلیں اور ایک گاڑی برآمد کر لی۔ گرفتار ملزمان نے سول ہسپتال اور شہر کے مختلف علاقوں سے دو درجن سے زائد موٹر سائیکلیں چوری کرنے کا اعتراف کر لیا۔ پولیس کے مطابق ایس پی سٹی پری گل کو خفیہ اطلاع ملی تھی کہ موٹر سائیکلیں چوری کرنے والے گروہ کا سرغنہ محمد عالم سول ہسپتال میں موجود ہے جس پر ڈی ایس پی سٹی سرکل طاہر محمود اور ایس ایچ او سول لائن جاوید بزدار کی سربراہی میں ٹیم تشکیل دی گئی جس نے سو ل ہسپتال میں کارروائی کرتے ہوئے ملزم کو رنگے ہاتھوں گرفتار کر لیا ابتدائی تفتیش میں ملزم نے انکشاف کیا کہ اس نے سول ہسپتال اور مختلف علاقوں سے دو درجن سے زائد موٹر سائیکلیں چوری کر کے پرزہ جات کر کے فروخت کی جبکہ دو چوری کی گئیں موٹر سائیکلوں کی نشاندھی کی جو پولیس نے برآمد کر لی جبکہ ایک اور کارروائی کرتے ہوئے موٹر سائیکل چوری کرنے والے ملزم سکندر کو بھی رنگے ہاتھوں گرفتار کر کے مسروقہ موٹر سائیکل قبضے میں لے لی گئی پولیس نے بتایا کہ پیر کی شب زرغون روڈ پر واقعہ نجی ہسپتال کے سامنے سے چوری ہونے والی گاڑی ایس ایچ او اور دیگر عملے نے بروقت کارروائی کر تے ہوئے جوائنٹ روڈ سے برآمد کر لی جسے نامعلوم افراد چھوڑ کر فرار ہو گئے تھے ۔
فرمان الہی
نماز کے اوقات
