فرمان الہی
نماز کے اوقات
کراچی (اسٹاف رپورٹر) فاطمہ ثنا، عمیمہ سہیل اور شوال ذوالفقار کی نیوزی لینڈ کے دورے کیلئے پاکستان ویمنز ٹیم میں واپسی ہوئی ہے۔ سترہ رکنی اسکواڈ کا اعلان سلیم جعفر کی سربراہی میں قائم قومی سلیکشن کمیٹی نے کیا ہے۔ آئندہ ماہ دورے میں تین ٹی ٹوئنٹی اور تین ون ڈے کھیلے جائینگے ۔ ارم جاوید کو ڈراپ کردیا گیا ہے ۔ شوال ذوالفقار نے جنوبی افریقا کے خلاف اپنے انٹرنیشنل کیریئر کا آغاز کیا تھا ۔ فاسٹ بولر فاطمہ ثنا جو انجری کی وجہ سے بنگلہ دیش کے خلاف سیریز نہیں کھیل پائی تھیں اب ٹیم کو دستیاب ہونگی۔ پاکستان کا سترہ رکنی اسکواڈ ان کھلاڑیوں پر مشتمل ہے۔ ندا ڈار ( کپتان ) عالیہ ریاض، بسمہ معروف ، ڈیانا بیگ ، فاطمہ ثنا، غلام فاطمہ، منیبہ علی، نجیہہ علوی ( وکٹ کیپرز ) نشرہ سندھو، نتالیہ پرویز، عمیمہ سہیل، صدف شمس ، سعدیہ اقبال ، شوال ذوالفقار، سدرہ امین ، ام ہانی اور وحیدہ اختر۔ اسکواڈ 18 نومبر کو کراچی میں جمع ہوگا جہاں وہ حنیف محمد ہائی پرفارمنس سینٹر میں چار روزہ کیمپ میں حصہ لے گا۔
