• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریحان الحق فارغ، منصور رانا منیجر آپریشنز پاکستان کرکٹ ٹیم ہونگے

آج کا اخبار
اسپورٹس
20 نومبر ، 2023
کراچی (اسٹاف رپورٹر) پاکستان کرکٹ بورڈ نے پاکستان ٹیم کے سابق منیجر منصور رانا کو قومی ٹیم منیجر آپریشنز بنانے کا فیصلہ کیا ہے۔ سابق بیورو کریٹ نوید اکرم چیمہ کے ساتھ وہ آپریشنز منیجر کی ذمے داریاں نبھائیں گے۔ منصور رانا کو چند ماہ قبل منیجر کے عہدے سے ہٹا کر ریحان الحق کو منیجر بنایا گیا تھا۔ ورلڈ کپ کے بعد ریحان الحق کو ان کی ذمے داریوں سے فارغ کردیا گیا۔ ذرائع کا کہنا ہے کہ منصور رانا سمیت کئی تقرریوں کے لئے فائل چیئرمین ذکا ء اشرف کی میز پر ہے، بھارت سے وطن واپسی پر آسٹریلیا کے دورے کے لئے مزید تقرریوں کا اعلان کیا جائے گا۔ حیران کن طور پر شان مسعود کے علاوہ پی سی بی جن تقرریوں کا اعلان کیا ہے ان کے عہدے کی معیاد کا اعلان نہیں کیا گیا ہے، اس لئے بظاہر ایسا دکھائی دے رہا ہے کہ یہ تقرریاں مختصر مدت کے لئے ہیں۔ آسٹریلیا اور نیوزی لینڈ کے دوروں کے بعد عہدوں کی تجدید کی جائے گی۔
اسپورٹس سے مزید