• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرکٹ بورڈ کی ہدایت پر شان کا ون ڈے کپ فائنل کھیلنے سے گریز

آج کا اخبار
اسپورٹس
20 نومبر ، 2023
کراچی (اسٹاف رپورٹر) پاکستانی کرکٹرز کی جانب سے ڈومیسٹک سیزن میں حصہ نہ لینے پر بحث جاری ہے۔ وسیم اکرم سمیت سابق کھلاڑیوں کا کہنا ہے کہ کرکٹرز ڈومیسٹک ٹورنامنٹس کو اہمیت دیں۔ ایسے میں پاکستان ٹیسٹ ٹیم کے کپتان شان مسعود نے اتوار کو پاکستان کپ ون ڈے ٹورنامنٹ کے فائنل میں شرکت نہیں کی۔ ان کی ٹیم بری طرح ہار گئی۔ شان مسعود نے پی سی بی کی ہدایت پر فائنل کھیلنے سے گریز کیا۔ ذرائع کا کہنا ہے کہ شان مسعود کو پی سی بی نے آسٹریلیا کے دورے سے قبل احتیاطی طور پر فائنل نہ کھیلنے کی ہدایت کی تھی۔ شان مسعود نے کراچی کی جانب سے دوسرا سب سے زیادہ اسکور بنایا ہوا ہے۔ شان مسعود گذشتہ دنوں پاکستان کپ میں سرفراز احمد سے ٹکرائے تھے لیکن وہ مکمل فٹ ہیں۔ وہ پنڈی میں ڈائریکٹر محمد حفیظ اور چیف سلیکٹر وہاب ریاض سے ملاقاتیں کررہے ہیں۔ حفیظ اور وہاب اس وقت سرکاری ٹی وی پر ماہرانہ رائے دینے کے لئے اسلام آباد میں ہیں۔
اسپورٹس سے مزید