فرمان الہی
نماز کے اوقات
کراچی(اسٹاف رپورٹر)نیشنل ٹی ٹوئنٹی کپ کرکٹ ٹورنامنٹ میں پشاور نے لاہور وائٹس کے خلاف میچ سات وکٹ سے جیت لیا۔ہفتے کو این بی پی کمپلکس میں دفاعی چیمپئن کی جانب سے عادل امین61ناٹ آوٹ رنز بناکر نمایاں رہے۔یوبی ایل اسپورٹس کمپلکس میں کراچی وائٹس نے ڈیرہ مراد جمالی کو 8وکٹ سے ہرادیا۔عمیر بن یوسف78اور اسد شفیق 62رنز بناکر نمایاں رہے۔ایک اور میچ میں لاہور بلیوز نے حیدرآباد کے خلاف ایک وکٹ سے کامیابی حاصل کی۔کراچی بلیوز نے کوئٹہ کے خلاف میچ پانچ وکٹ سے جیت لیا۔کراچی کی جانب سے جہاں زیب سلطان نے77اور سیف اللہ بنگش نے33ناٹ آوٹ رنز بنائے۔ملتان نے آزاد کشمیر کے خلاف میچ سات وکٹ سے جیت لیا۔شرجیل خان نے53اور حسیب اللہ نے46 ناٹ آوٹ بناکر جیت میں اہم کردار ادا کیا۔فیصل آباد نے بہاولپور کو 8 وکٹوں سے شکست دیدی۔فیصل آباد نے ٹاس جیت کر بہاولپور کو بیٹنگ دی جس نے 9 وکٹوں پر 117 رنز بنائے معین 29 رنز کے ساتھ ٹاپ اسکورر رہے۔جواب میں فیصل آباد نے دو وکٹوں کے نقصان پر مطلوبہ اسکور پورا کرلیا جس میں محمد فیضان کے 76 رنز ناٹ آؤٹ قابل ذکر تھے۔
