فرمان الہی
نماز کے اوقات
فیصل آباد(نمائندہ جنگ) رواں ہفتہ کے دوران میڈیا میں پیپلز پارٹی کے رہنماؤں آصف زرداری اور بلال بھٹو کے مابین اختلافات بارے جو خبریں اور تبصرے چل رہے ہیں بالآخر خاندانی ذرائع نے اس کی تردید کر دی ہے۔
اس مقصد کے لئے دبئی سے ایک تصویر جاری کی گئی ہے جس میں آصف زرداری بلاول بھٹو، بختاور اور فریال تالپور خوش گوار موڈ میں کھڑے نظر آتے ہیں تصویر دیکھ کر واضح ہوتا ہے کہ جیسے کسی مقصد کے لئے گروپ فوٹو بنایا گیا ہے، یہ تصویر بختاور بھٹو کے ٹوئٹر آفیشل پیج پر جاری کی گئی ہے جس میں بختاور کی جانب سے کہا گیا ہے کہ “ ہیڈ لائینز پر اعتبار نہ کریں ہم سب ایک ہیں اور ہماری فیملی ہمیشہ پہلی ترجیح ہو گی۔
پیپلز پارٹی کے ایک ذمہ دار مرکزی عہدیدار نے بھی اس تصویر کی تصدیق کرتے ہوئے کہا ہے کہ یہ تصویر اس لئے جاری کی گئی ہے کہ اعلیٰ قیادت، پارٹی کے کارکنوں اور عہدیداروں کے ذہہنوں میں کوئی ابہام نہ رہے۔
