• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی‘ لاہور‘ اسلام آباد کے بنیادی اسکیل 19 تک کے عہدیدار تبدیل

آج کا اخبار
اہم خبریں
28 نومبر ، 2023
اسلام آباد (رپورٹ:حنیف خالد) ایف بی آر نے اپنے دس عہدیداروں کو فوری طور پر تبدیل کر دیا ہے۔ تبدیل ہونے والے افسر بنیادی پے سکیل نمبر 19کے ایڈیشنل کمشنر‘ سیکرٹری‘ ایڈیشنل کمشنر‘ ڈپٹی کمشنر‘ اسسٹنٹ کمشنر کے عہدے کے ہیں جو اختتام ہفتہ تک اپنی نئی ذمہ داریاں سنبھال لیں گے۔ ایف بی آر کے پیر کو جاری کئے گئے نوٹیفکیشن نمبر 3260آئی آر ون 2023ء مجریہ 27نومبر 2023ء کے مطابق عمران علی شیخ ان لینڈ ریونیو سروس بنیادی سکیل 19کو ایڈیشنل کمشنر آئی آر لارج ٹیکس پیئر آفس کراچی سے ٹرانسفر کر کے ایڈیشنل کمشنر آئی آر اے ای او آئی زون کراچی مقرر کر دیا گیا ہے۔ نوید علی ناریجو بنیادی سکیل 19ایڈیشنل کمشنر آئی آر اے ای او آئی زون کراچی کو ٹرانسفر کر کے ایڈیشنل ڈائریکٹر ڈائریکٹریٹ آف انٹرنل آڈٹ ان لینڈ ریونیو کراچی مقرر کیا گیا ہے۔ مس سعدیہ افتخار بنیادی سکیل 19 سیکرٹری انٹرنیشنل ٹیکس آپریشنز ایف بی آر کو ٹرانسفر کر کے سیکرٹری ریفارمز اینڈ ماڈرنائزیشن ونگ ایف بی آر اسلام آباد تعینات کیا گیا ہے۔ عدنان شاہد بنیادی سکیل 19ایڈیشنل کمشنر آئی آر لارج ٹیکس پیئرز آفس کراچی کو ایڈیشنل کمشنر آئی آر اے ای او آئی زون کراچی کا اضافی چارج دیدیا گیا ہے۔ مس قراۃ العین خان بنیادی سکیل 18ایڈیشنل کمشنر آئی آر لارج ٹیکس پیئرز آفس اسلام آباد کو ایڈیشنل کمشنر آئی آر اے ای او آئی زون اسلام آباد کا اضافی چارج دیا گیا ہے۔ محمد عمیر خان بنیادی سکیل 18ڈپٹی کمشنر آئی آر لارج ٹیکس پیئرز آفس لاہور کا تبادلہ کر کے ڈپٹی کمشنر آئی آر اے ای او آئی زون لاہور کا اضافی چارج دیا گیا ہے۔ کامران ارشد ستی بنیادی سکیل 17اسسٹنٹ کمشنر لارج ٹیکس پیئرز آفس اسلام آباد کو اسسٹنٹ کمشنر آئی آر اے ای او آئی زون اسلام آباد کا اضافی چارج دیا گیا ہے۔ محمد ضرار ارشاد اسسٹنٹ کمشنر آر ٹی او راولپنڈی کو ایڈمنسٹریٹر بے نامی زون ون اسلام آباد بنایا گیا ہے۔ محمد لاریب اسسٹنٹ کمشنر آر ٹی او ون کراچی کو اسسٹنٹ ڈائریکٹر ان لینڈ ریونیو کراچی مقرر کیا گیا ہے۔ مجیب عالم ایڈمنسٹریٹر بے نامی زون اسلام آباد کو تبدیل کر کے اسسٹنٹ کمشنر آئی آر ریجنل ٹیکس آفس راولپنڈی تعینات کیا گیا ہے۔
اہم خبریں سے مزید