• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان، خاتون پرنسپل نے ایشیا کا ’’پرنسپل آف دی ایئر‘‘ کا ایوارڈ جیت لیا

آج کا اخبار
اہم خبریں
18 دسمبر ، 2023
کراچی (نیوز ڈیسک) ملتان کے ایک اسکول کی پرنسپل بینش سعید کو اس ماہ ایشیا ایجوکیشن کنکلیو نے ’پرنسپل آف دی ایئر‘ کے ایوارڈ سے نوازا ہے۔ یہ ایک ایسا پلیٹ فارم ہے جو شاندار اساتذہ اور معلمین کی کوششوں کو تسلیم کرتا ہے۔ سعید کا تعلیم میں دو دہائیوں کا سفر ہے اور وہ اس وقت ملتان کے کینٹ پبلک اسکول اینڈ کالج میں بطور پرنسپل خدمات انجام دے رہی ہیں۔ انہوں نے ایشیاء کے پندرہ ممالک کے 2085 مرد اور خواتین امیدواروں میں سے یہ ایوارڈ جیتا ہے۔ ایشیا ایجوکیشن کنکلیو نے انسٹاگرام پر بینش کو سال کی بہترین پرنسپل کا ایوارڈ وصول کرنے پر سراہا۔سعید کے وسیع پس منظر میں ایک استاد، کوآرڈینیٹر، ٹرینر اور منتظم کے کردار شامل ہیں۔ پرنسپل، جنہوں نے تعلیم میں ایم فل اور زولوجی میں ایم ایس سی کی ڈگری حاصل کی ہے، فی الحال تعلیم میں پی ایچ ڈی کر رہی ہیں۔ ان کی کامیابیاں آئی ٹی برانچ آٹومیشن، کتابوں کے جائزے اور مونٹیسوری اساتذہ کی تربیت میں سرٹیفیکیشن پر محیط ہیں۔
اہم خبریں سے مزید