فرمان الہی
نماز کے اوقات
کراچی (جنگ نیوز) آل انڈیا ٹینس ایسوسی ایشن نے ڈیوس کپ ٹائی میں شرکت اور ویزوں کیلئے پاکستان ٹینس فیڈریشن سے رابطہ کیا ہے۔ پاک بھارت ڈیوس کپ ٹائی 3 فروری سے اسلام آباد میں ہوگی ،ویزوں کے حصول کیلئے بھارت نے 18 نام پاکستان ٹینس فیڈریشن کو بھجوا دیے ہیں۔ جن میں کپتان روہت راج پال سمیت 7 پلیئرز اور 11 آفیشلز کے نام شامل ہیں ۔ ٹینس ایسوسی ایشن کے صدر انیل کمار جین اور سیکرٹری کا نام بھی ویزوں کے حصول کے خواہشمند افراد کی فہرست کا حصہ ہیں۔ واضح ر ہے کہ ڈیوس کپ ٹائی کیلئے اعصام الحق کی قیادت میں پاکستان ٹیم کا اعلان کردیا گیا ہے۔
