فرمان الہی
نماز کے اوقات
لاہور ( آن لائن ) مسلم لیگ ( ن ) کے رہنما عطااللہ تارڑ نے چیئرمین پیپلز پارٹی بلاول بھٹو زرداری پر تنقید کرتے ہوئے کہا ہے کہ انہوں نے کراچی میں کون سا ترقیاتی کام کرایا جو لاہور انتخابات لڑنے آگئے ہیں، لاہور نواز شریف سے عشق کرتا ہے، یہ قلعہ ( ن ) لیگ ہے، لاہور نے برے وقت میں بھی نواز شریف کو کامیاب کر کے اسمبلیوں تک پہنچایا۔فیصل ٹاؤن لاہور میں مسلم لیگ ( ن ) کے ورکر کنونشن سے خطاب کرتے ہوئے عطا تارڑ نے کہا کہ ہماری جماعت مشکل کے دور سے نکل کر باہر آئی یہ نواز شریف کی وجہ سے ہے، قوم پر مشکل وقت آیا تو تمام مشکلات کا ایک ہی جواب آیا وہ تھا نواز شریف۔ان کا کہنا تھا کہ این اے 127 میں کوئی بلا تو نہیں آیا بلاول بھٹو آگیا ہے، کراچی میں کون سی دودھ و شہد کی نہریں یا ترقیاتی کام کیا ہے جو لاہور الیکشن لڑنے آگئے ہیں۔
