• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول بھٹو کل لاہور کے حلقہ این اے 127 سے اپنی انتخابی مہم کا آغاز کرینگے

آج کا اخبار
اہم خبریں
01 جنوری ، 2024
لاہور( این این آئی)پاکستان پیپلز پارٹی کے چیئرمین بلاول بھٹو زرداری کل سے لاہور کے حلقہ این اے 127سے اپنی انتخابی مہم کا آغاز کریں گے۔بلاول بھٹو کے پہلے انتخابی دورے میں اہم سیاسی شخصیات بھی پیپلزپارٹی میں شمولیت اختیار کریں گی ۔پیپلزپارٹی نے این اے 127میں بلاول بھٹو کے متعدد پروگرام ترتیب دیدئیے ہیں ۔پارٹی ذرائع کے مطابق بلاول بھٹو لاہور میں دو روز لاہور میں قیام کریں گے جبکہ اس دوران متعدد اہم سیاسی شخصیات ان سے ملاقات کرکے پیپلزپارٹی میں شمولیت کا اعلان کریں گی۔ذرائع کے مطابق رائیونڈ سے سابق نون لیگی وزیر چوہدری عبدالغفور میو کے پیپلزپارٹی سے معاملات طے پاگئے ہیں اور چوہدری عبدالغفور، بلاول بھٹو سے ملاقات کرکے پیپلزپارٹی میں شمولیت کا اعلان کریں گے۔پیپلز پارٹی ذرائع نے پاکستان عوامی تحریک کے ساتھ انتخابی تعاون کے لئے بھی معاملات میں اہم پیشرفت کا دعویٰ کیا گیا ہے۔بلاول بھٹو حلقہ این اے127میں اپنے انتخابی دفتر کا بھی افتتاح کریں گے جبکہ دورے میں اپنے پارٹی امیدواروں کے نام فائنل کریں گے اور مسیحی برادری کے ایک پروگرام میں بھی شرکت کریں گے۔
اہم خبریں سے مزید