فرمان الہی
نماز کے اوقات
کراچی(اسٹاف رپورٹر) پریذیڈنٹ ٹرافی کرکٹ ٹورنامنٹ کے پانچویں راؤنڈ میں اسٹیٹ بینک ، سرکاری ٹی وی اور واپڈا نے میچز جیت لیے ۔ چوتھے اور آخری دن جمعے کو یوبی ایل اسپورٹس کمپلیکس میں ایس این جی پی ایل کو واپڈا نے367 رنز کا ہدف دیا تھا تاہم وہ دوسری اننگز میں 222 رنز بناکر آؤٹ ہوگئی۔ اسد شفیق 92 رنز پر ناٹ آؤٹ رہے۔ خالد عثمان نے 5 اور میچ میں نو وکٹیں حاصل کیں۔ نیشنل بینک اسٹیڈیم میں اسٹیٹ بینک نے کے آر ایل کو 4 وکٹوں سے شکست دیدی۔ اسٹیٹ بینک کو میچ جیتنے کے لیے 245 رنز کا ہدف ملا تھا۔ عرفان خان نے 101 رنز ناٹ آؤٹ بناکر اپنی ٹیم کو جیت سے ہمکنار کردیا۔ اسٹیٹ بینک اسٹیڈیم میں سرکاری ٹی وی نے ہائر ایجوکیشن کو 209 رنز سے ہرادیا۔ ناکام ٹیم 407 رنز کا ہدف کے جواب میں 197 رنز بناکر آؤٹ ہوگئی۔ جہانداد خان نے 7 وکٹیں حاصل کیں۔
