فرمان الہی
نماز کے اوقات
کراچی( اسٹاف رپورٹر )لاڑکانہ پولیس کو انتہائی مطلوب ملزم ضلع کیماڑی پولیس نے رئیس گوٹھ موچکو سے گرفتار کر لیا۔پولیس کے مطابق گرفتار ملزم محمد اعظم ولد رضا محمد ضلع لاڑکانہ کے پولیس مقابلہ، اقدام قتل اور ڈکیتی کے مقدمات میں اشتہاری تھا۔گرفتار ملزم اعظم نےہفتہ کو اپنے دوسرے ساتھی شمن کے ہمراہ رئیس گوٹھ موچکو میں رحیم بخش نامی شہری کو لوٹنے کی کوشش کی۔تھانہ موچکو پولیس نے بر وقت کاروائی کرتے ہوئے دونوں ملزمان کو گرفتار کرلیا۔گرفتار ملزم اعظم کا تلاش ڈیوائس کے ذریعے ریکارڈ چیک کیا گیا تو ملزم ضلع لاڑکانہ کے دو مقدمات میں اشتہاری پایا گیا۔ملزمان کے خلاف تھانہ موچکو میں مقدمہ درج کرلیا گیا ہے جبکہ ملزم اعظم کی گرفتاری کے متعلق لاڑکانہ پولیس کو مراسلہ جاری کردیا گیا ہے۔
