فرمان الہی
نماز کے اوقات
کراچی (اسٹاف رپورٹر) پاکستان کے خلاف تیسرے میچ سے قبل نیوزی لینڈ کرکٹ ٹیم کو بڑا جھٹکا لگا ہے، وہ اپنے کپتان کین ولیم سن کی خدمات سے محروم ہوگی۔ کوچ گیری اسٹیڈ نے کہا ہے کہ کین ولیم سن کا انجری کے سبب ٹی 20 سیریز کے باقی میچوں کے علاوہ جنوبی افریقا کے خلاف پہلا ٹیسٹ میچ بھی نہیں کھیل سکیں گے۔ جنوبی افریقاکے خلاف ٹیسٹ میچ کی سیریز بھی قریب ہے، میرا خیال ہے کہ دیگر اہم چیزوں کے دیکھتے ہوئے اولین ترجیح یہ ہوگی کہ ہم اس بات کو یقینی بنانے کی کوشش کریں گے ولیم سن ٹھیک رہیں۔ دوسرے میچ میں ولیم سن کو ٹانگوں میں درد کا سامنا کرنا پڑا جس کی وجہ سے انہیں 26 رنز بنا کر میچ چھوڑ کر جانا پڑا تھا۔ گیری اسٹیڈ نے عندیہ دیا کہ کین ولیم سن کی جگہ ٹم سیفرٹ کو شامل کیا جاسکتا ہے، جبکہ وہ پہلے ہی سیریز کے کسی مرحلے پر ڈیون کونوے کی جگہ وکٹ کیپر کے طور پر تیار ہیں۔
