• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف کا مشاورتی اجلاس‘ بجلی گیس سستی کرنے کے نکات طے

آج کا اخبار
اہم خبریں
16 جنوری ، 2024
لاہور(اے پی پی)قائد (ن)لیگ نواز شریف کا پیر کے روزمعاشی ماہرین کے ساتھ اہم مشاورتی اجلاس ہواجس میں معاشی مسائل کے حل کے لئے اصلاحات اور مختلف تجاویز پر غور کیا گیا ۔ اجلاس میں ملک کی معاشی بحالی اور عوام کو مہنگائی سے نجات دلانے کے معاشی منصوبے کو حتمی شکل بھی دے دی گئی۔ اجلاس میں شرح ترقی میں اضافے، ٹیکس اصلاحات، توانائی کے بحران کا خاتمہ ، بجلی اور گیس کی قیمتوں میں کمی کے نکات طے کرلئے گئے جبکہ زراعت، صنعت ، آئی ٹی کی ترقی کے مراعات پر مبنی پیکج بھی تیار کرلئے گئے۔ مذکورہ اجلاس میں سالانہ بنیادوں پر روزگار کی فراہمی، نوجوانوں کو ہنرمند بنانے کے لئے پالیسی نکات مرتب کئے اورزرعی مقاصد کے لئے خصوصی رعایت پر شمسی توانائی کی فراہمی ، گھریلو صارفین کو بجلی کی فراہمی میں بڑی مراعات کا تعین بھی پیکج میں شامل کیا گیا۔ اجلاس میں تعلیم، صحت اور انفراسٹرکچر کے لئے بڑے منصوبوں کی ترجیحات بھی طے کی گئیں اورقومی ترقی کو تیز کرنے والے اقدامات سے مجموعی معاشی سرگرمیوں کو مرحلہ وار بڑھانے پر اتفاق کیا گیا۔
اہم خبریں سے مزید