فرمان الہی
نماز کے اوقات
لاہور (نمائندہ جنگ ) مسلم لیگ (ن) کی سینئر نائب صدر وچیف آرگنائزرمریم نواز شریف نے کہا ہے کہ پچھلے پانچ سال گھس بیٹھیوں نے لاہور پر قبضہ کر لیا ،کوئی ترقیاتی کام نہیں ہوا ،، کوڑا اٹھانیوالا بھی نہیں رہا، 8فروری کو انہیں اٹھا کر لاہور سے باہر پھینکنا ہے ، جتنی تیزی سے شیر پر ٹھپے لگیں گے اتنی زیادہ ترقی ہو گی اور مہنگائی کا خاتمہ ہوگا۔ ان خیالات کااظہار انہوں نے اپنے حلقہ پی پی 159میں انتخابی مہم کے آغاز پر کارکنوں سے خطاب کرتے ہوئے کیا ۔ اس موقع پر پرویز رشید، مریم اورنگزیب، رانا مبشر اقبال اور دیگر بھی موجود تھے۔ مریم نواز کا حلقے میں جگہ جگہ پرتپاک استقبال کیا گیا ۔ مریم نواز نے کہا کہ رانا مبشر اقبال اور دوسرے جن لوگوں نے انتخابی ریلی کا اہتمام کیا میں تہہ دل سے ان کا شکریہ ادا کرتی ہوں ۔میں پی پی 159 کے عوام اور لاہور سے وعدہ کرتی ہوں آپ شیر کو فتح سے ہمکنار کراؤ ، پہلے کی طرح آپ کی خدمت میں دن رات ایک کر دیں گے۔
