فرمان الہی
نماز کے اوقات
کراچی(اسٹاف رپورٹر) ریجنل کر کٹ ایسو سی ایشن کراچی انٹر ڈپارٹمنٹل کرکٹ لیگ ٹورنامنٹ میں گزشتہ روز عمر ایسوسی ایٹ اور ونگ 999نےاپنی اپنی حریف ٹیموں کو شکست دے دی۔پہلے میچ میںعمر ایسوسی ایٹ نے اپنےگروپ کے آخری میچ میں ہر پل تازہ چائے کو 7 وکٹوں سے شکست دے کر سیمی فائنل میں پہنچ گی۔ ہر پل تازہ چائے کی ٹیم نے پہلے بیٹنگ کرتے ہوئے 8 وکٹوں کے نقصان پر 116 رنز بنائے۔علی حیدر نے 31 رنز بنائے۔جواب میں عمر ایسوسی ایٹ نے 3 وکٹوں کے نقصان پر 117 رنز بنا لئے ۔ رام روی نے 7 چوکوں کی مدد سے 48 اور دانش عزیز نے 23 رنز بنائے۔دوسرے میچ میں ونگ 999 بھی اپنے آخری گروپ میچ میں سندھ پولیس کو 6 وکٹوں سے ہرا کر دوسری پوزیشن حاصل کر کے کوارٹر فائنل میں پہنچ گی۔ سندھ پولیس پہلے بیٹنگ کرتے ہوئے 187 رنز بنا کر آؤٹ ہوگئی۔فاروق حسن نے83، نعمان خان نے 31 اور ارشد خان نے 21 رنز بنائے۔ فرید شاہ اور واحد نے 3-3 اور اکبر خان نے 2 کھلاڑیوں کو آؤٹ کیا۔جواب میں ونگ 999 نے 3 وکٹوں کے نقصان پر مطلوبہ 190 رنز بنا لئے۔محمد سہیل 66، اکبر محمد نے58رنز بنائےاور عارف خان نے 39 رنز بنائے۔ٹورنامنٹ کے آخری گروپ لیگ میچ میں اے جے ورلڈ وایڈ نے رنگون والا کو 9 وکٹوں سے ہرا دیا ۔
