فرمان الہی
نماز کے اوقات
کراچی(اسٹاف رپورٹر) پاکستان کے آل راؤنڈر شعیب ملک نے ٹی ٹوئنٹی کرکٹ میں 13 ہزار رنز مکمل کر لیے ہیں اور وہ یہ سنگ میل عبور کرنے والے پہلے ایشین اور دنیا کے دوسرے کھلاڑی بن گئے ہیں۔ہفتے کو انہوں نے یہ کارنامہ اپنی 487 ویں ٹی ٹوئنٹی اننگز میں انجام دیا۔شعیب ملک بنگلہ دیش پریمیر لیگ میں فورچیون باریشال کی نمائندگی کررہے ہیں اور انہوں نے رنگ پور رائیڈرز کیخلاف 7 واں رن لے کر ٹی ٹوئنٹی کرکٹ میں اپنے 13 ہزار رنز مکمل کیے۔ٹی ٹوئنٹی کرکٹ میں سب سے زیادہ رنز بنانے کا اعزاز ویسٹ انڈیز کے کرس گیل کے پاس ہے جنہوں نے مختصر فارمیٹ کی کرکٹ میں 14562 بنائے۔سب سے زیادہ ٹی ٹوئنٹی رنز بنانے والوں کی فہرست میں شعیب ملک دوسرے نمبر پر ہیں، تیسرے نمبر پر کیرون پولارڈ جبکہ چوتھے نمبر پر بھارت کے سابق کپتان ویرات کوہلی ہے۔
