فرمان الہی
نماز کے اوقات
کراچی (اسٹاف رپورٹر) پریذیڈنٹ ٹرافی کرکٹ ٹورنامنٹ کے ساتویں اور آخری راؤنڈ کے پہلے دن سعود شکیل نے سنچری اسکور کی۔ لیفٹ آرم اسپنرز فیصل اکرم نے سات اور آصف آفریدی نے پانچ وکٹیں حاصل کیں۔ نیشنل اسٹیڈیم میں میچ کے پہلے ہی دن 22 وکٹیں گرگئیں۔ اتوار کوسرکاریٹی وی نے ٹاس جیت کر پہلے بیٹنگ کا فیصلہ کیا لیکن پوری ٹیم 146 رنز پر آؤٹ ہوگئی۔ آصف آفریدی نے 67 رنز دے کر 5 اور خالد عثمان نے 43 رنز کے عوض 3 کھلاڑیوں کو آؤٹ کیا۔ جواب میں واپڈا کی ٹیم اپنی پہلی اننگز میں 124 رنز بناکر آؤٹ ہوگئی۔ فیصل اکرم نے 47 رنز دے کر 7 وکٹیں حاصل کیں۔کھیل ختم ہونے پر سرکاریٹی وی نے اپنی دوسری اننگز میں دو وکٹ پر 51 رنز بنائے تھے ۔ اسٹیٹ بینک اسٹیڈیم میں ایس این جی پی ایل پہلی اننگز میں279رنز بناکر آؤٹ ہوگئی۔ سعود شکیل نے 102 اور مبصرخان نے 55 رنز کی اننگز کھیلی۔ وسیم اکرم نے 4 وکٹیں حاصل کیں۔ ہائر ایجوکیشن نے دن کا کھیل ختم ہونے پر بغیر کسی نقصان کے 24 رنز بنائے تھے۔ یوبی ایل اسپورٹس کمپلیکس میں اسٹیٹ بینک کی ٹیم 278رنز بناکر آؤٹ ہوگئی۔ عمر امین نے 69 ، عثمان صلاح الدین نے 50 اور محمد محسن نے 61 رنز کی اننگز کھیلی ۔ محمد رمیز جونیئر نے 4 وکٹیں حاصل کیں۔ جواب میں غنی گلاس نے بغیر نقصان 62 رنز بنائے تھے۔
