فرمان الہی
نماز کے اوقات
کراچی(اسٹاف رپورٹر) قومی ہاکی ٹیم کے کپتان عماد شکیل بٹ کو سینئر ہاکی ٹیم انتظامیہ کے ساتھ اختلافات کے بعد فائیو اے سائیڈ ہاکی ٹیم سے ڈراپ کردیا گیا۔ عماد شکیل نے کہا ہے کہ ٹیم انتظامیہ کے پاس کوئی گیم پلان نہیں تھا، ناتجربہ کاری اور یورپی ٹیموں کے خلاف میچز نہ کھیلنے کے باوجود ہماری کار کردگی اچھی رہی ، کھلاڑیوں کو شکست کا ذمہ دار نہ ٹھہرایا جائے۔ ذرائع کا کہنا ہے کہ ان کا کوچ شکیل عباسی کے ساتھ اختلافات تھا، نیوزی لینڈ کے خلاف میچ کے بعد کپتان اور ٹیم مینجمنٹ میں بحث ہوئی تھی۔ تازہ پیش رفت میں پی ایف آئی ایچ اے فائیو اے سائیڈ ہاکی ٹورنامنٹ کیلئے رانا عبدالوحید اشرف کو کپتان مقرر کردیا ہے، جبکہ ٹیم میں ایک تبدیلی کرتے ہوئے عماد شکیل بٹ کی جگہ مرتضی یعقوب کو شامل کیا ہے۔ 28جنوری سے شروع ہونے والے ایونٹ کیلئے قومی ٹیم کے کھلاڑی مسقط میں موجود ہیں۔
