• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف اور مریم نواز کی این اے 130 میں بڑی انتخابی ریلی

آج کا اخبار
اہم خبریں
24 جنوری ، 2024
لاہور( محمد صابر اعوان ) پاکستان مسلم لیگ ن کے قائد نواز شریف اور مریم نواز نے اپنے حلقہ انتخاب این اے 130میں ایک بڑی ریلی کی قیادت کی .ریلی ٹیکسالی چوک پی پی 174 سے شروع ہو ئی تو کارکنوں کی ایک کثیر تعداد پارٹی پرچم اٹھا ئے موجود تھی،ریلی میں اصلی شیر لانے پر نواز شریف نے ناراضگی کا اظہار کیا اور نوٹس لیتے ہوئے شیر کو واپس لے جانے کی ہدایت کی،موہنی روڈ پر لیگی متوالوں نے موٹر سائیکل ریلی نکالی اور قائدین کے حق میں نعرے بازی کی موٹر سائیکل ریلی کے ساتھ میوزک سسٹم پر پارٹی نغمے اور ترانے بجائے جا تے رہے، نواز شریف اور مریم نواز کی گاڑی پر گھروں کی چھتوں سے خواتین اور بچوں نے جبکہ بازار کے تاجروں نے پھولوں کی پتیاں نچھاور کیں اور حق میں نعرے بازی کی اور رنک برنگے غبارے چھوڑے گئے ،لیگی رہنما بلال یاسین نے نواز شریف اور مریم نواز کا استقبال کیا، ایک دکاندار نے قصور پورہ میں نواز شریف کو سموسے اور نمک پارے دیئے جو انہوں نے کھائے، نواز اور مریم گاڑی سے باہر آکر کارکنوں کے نعروں کا ہاتھ ہلا کر جواب د یتے رہے، بلال گنج چوک میں شاندار استقبال اور آتشبازی کا مظاہرہ بھی کیا گیا۔
اہم خبریں سے مزید