• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

MQM قصہ پارینہ، اہل کراچی تیر و جعلی شیر کو بھی مسترد کردینگے، سراج الحق

آج کا اخبار
اہم خبریں
26 جنوری ، 2024
کراچی (اسٹاف رپورٹر) امیرجماعت اسلامی پاکستان نے کہا ہے کہ کراچی کے عوام 8فروری کو پیپلزپارٹی کے جعلی تیر اور مسلم لیگ کے جعلی شیر کو بھی مسترد کردیں گے،ایم کیو ایم بھی قصہ پارینہ ہوچکی ہے، 8 فروری کا دن ایم کیو ایم کا آخری الیکشن ثابت ہوگا،کراچی کی بحالی اور ملک کی تعمیر و ترقی کا نشان صرف ترازو ہے ٗ8فروری کے بعد کراچی،کراچی کے حقیقی وارثوں کا ہوگا، بلاول بھٹو زرداری لاڑکانہ، حیدر آباد اور کراچی کو ٹھیک نہیں کرسکے تو پاکستان کو کیسے ٹھیک کریں گے۔ان خیالات کا اظہار انہوں نے جماعت اسلامی ضلع ملیر کے تحت مہران ہائی وے نزد اسپتال چورنگی لانڈھی میں ʼʼترازو کانفرنس ʼʼ سے خطاب کرتے ہوئے کیا۔ کانفرنس سے امیرجماعت اسلامی کراچی حافظ نعیم الرحمن، امیدوار این اے229ممتازحسین سہتو،امیر ضلع ملیر وامیدوار این اے230محمد اسلام ودیگرنے بھی خطاب کیا۔
اہم خبریں سے مزید