فرمان الہی
نماز کے اوقات
کراچی (اسٹاف رپورٹر) ایف آئی ایچ فائیو سائیڈ ہاکی ورلڈ کپ میں پاکستان کواٹرفائنل میں جگہ بنانے میں ناکام رہا۔عمان کے شہر مسقط میں پیر کو پولینڈ نے پاکستان کو 7-8 گول سے شکست دیدی ۔ پولینڈ کی جانب سے ڈیمیان نے دو گول، واجسیک نے دو گول، مائیکولوج ، میٹیوزگواور ٹوماسز نے ایک، ایک گول سکور کیا۔ پاکستان کی جانب سے کپتان رانا عبدالوحید اشرف نے ہیٹ ٹرک سمیت پانچ گول، غضنفر علی اور ارشد لیاقت نے ایک، ایک گول اسکور کیا۔ دریں اثنا پاکستان نے 9ویں تا 16ویں پوزیشن کے میچ میں جمیکا کو 2-15 گول سے شکست دیدی۔ پاکستان 9ویں تا 12ویں پوزیشن کیلئے منگل کو امریکہ بمقابلہ آسٹریلیا میچ کی فاتح ٹیم کے مدمقابل ہو گی۔پاکستان فائیو سائیڈ ہاکی ٹیم مینجمنٹ میں ہیڈ کوچ اولمپئن شکیل عباسی اور مینجر اولمپئن دلاور حسین شامل ہیں۔
