• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مناظرہ، موازنہ یا مقابلہ کرنا ہے تو کرلیں، مریم نواز

آج کا اخبار
اہم خبریں
31 جنوری ، 2024
لاہور(جنگ نیوز)مسلم لیگ ن کی چیف آرگنائزر مریم نواز نے کہا کہ مناظرہ، موازنہ یا مقابلہ کرنا ہے تو کرلیں ، شہباز شریف کی لاہور میٹرو یا اورنج ٹرین جیسا کچھ بنایا ہے تو مناظرہ کرلو۔ ہارون آباد میں جلسے سے خطاب کرتے ہوئے مریم نواز کا کہنا تھا کہ نواز شریف پر ظلم اور جبرکرنے والے کچھ گھروں پر بیٹھے ہیں اور کچھ سلاخوں کے پیچھے عبرت کا نشان بن گئے۔ مریم نواز نے کہا کہ ٹرانسپیرنسی جیسی عالمی تنظیم بھی کہہ رہی ہے کہ عمران خان کا دور کرپٹ ترین دور تھا۔ بانی پی ٹی آئی کو صادق اور امین کا سرٹیفکیٹ دینے والے کو منہ چھپانے کی جگہ نہیں ملے گی ۔ اگر سندھ میں دانش اسکول جیسے تعلیمی ادارے بنائے ہیں تو مقابلہ کرلو ،کراچی میں پانی ٹینکروں سے آتا ہے، مناظرے کرنے کی بات کرنے والوں کے محلوں میں بھی ٹینکر ہی پانی پہنچاتا ہے۔ ہماری دعا ہے سندھ میں بھی پنجاب جیسی خوش حالی آئے۔
اہم خبریں سے مزید