فرمان الہی
نماز کے اوقات
سوات (این این آئی)مسلم لیگ (ن)کے قائد نواز شریف نے نام لیے بانی پی ٹی آئی عمران خان کو تنقید کا نشانہ بناتے ہوئے کہاکہ خیبرپختونخوا کے عوام ایسے شخص کے جھانسے میں آئے جس نے پورا ملک اجاڑدیا‘نئے پاکستان کے چکر میں آپ نے پرانا پاکستان بھی تباہ کردیا‘اللہ سے اس پر معافی مانگیں ‘پہلے تو آپ کو چکردیا گیا ہے‘8فروری کو مجھے چکر نہ دینا‘خیبرپختونخوا کے لوگوں کے جذبات سے کھیلا گیا، سادہ لوگوں کو کیوں دھوکا دیا گیا،مجھے عوام کی حالت پر ترس آتا ہے،50لاکھ گھروں میں سے کیا کسی ایک کو گھر ملا؟بلیٹن ٹری کا وعدہ کیوں پورا نہیں کیا گیا؟خیبرپختونخوا کے عوام اب دھوکے میں نہ آئیں ۔ جمعرات کو یہاں جلسے سے خطاب کرتے ہوئے انہوںنے کہا کہ آپ کیسے اس شخص کے جال میں پھنس گئے جس نے ایک کروڑ نوکریوں اور پچاس لاکھ گھروں کا وعدہ کیا۔نئے پاکستان کے چکر میں آپ نے پرانا پاکستان بھی تباہ کردیا۔
