فرمان الہی
نماز کے اوقات
کراچی( اسٹا ف رپورٹر) پاکستان اور بھارت کے درمیان ڈیوس مقابلہ ہفتے سے اسلام آباد میں شروع ہوگا، جو اتوارکو بھی جاری رہے گا، جمعے کو پاکستان کے ٹینس اسٹار اعصام الحق نے کہا کہ حریف سے سخت مقابلہ ہوگا ، پاکستانی ٹیم کسی کو بھی شکست دے سکتی ہے۔ بھارتی ٹیم گراس کورٹ پر اچھا کھیلتی ہے۔اُنہوں نے کہا کہ اس بات کا بھی امکان ہے کہ میں سنگلز مقابلہ بھی کھیلوں، اس وقت پوری توجہ ڈیوس کپ پر ہے، شائقین آئیں اور ہمیں سپورٹ کریں۔پاکستانی ٹینس اسٹار نے کہا کہ کھیلوں میں سیاست کو نہیں لانا چاہیے، امید ہے کہ بھارتی کرکٹ ٹیم چیمپئنز ٹرافی کھیلنے پاکستان آئے گی۔پاکسانی ٹینس کھلاڑی عقیل خان کا کہنا ہے کہ نوجوان کھلاڑیوں میں بہت ٹیلنٹ ہے،بھارتی ٹینس ٹیم کےکوچ ذیشان علی نے کہا کہ پاکستان میں ہمارا بہت خیال رکھا جا رہا ہے۔پاک بھارت مقابلہ سخت ہوگا ہم اسے جیتنا چاہتے ہیں۔پاکستان اور بھارت کے درمیان دو طرفہ ٹینس سیریز بھی ہونی چاہیے۔بھارتی ٹینس کھلاڑی رام کمار کا کہنا ہے کہ ہماری تیاری اچھی ہے۔
