فرمان الہی
نماز کے اوقات
لاہور(جنرل رپورٹر ،مانیٹرنگ ڈیسک ) صدر ن لیگ شہباز شریف نے بلاول کے مناظر ے کے چیلنج پرکہا کہ مناظرہ بھی ہو جائے گا لیکن کل کی بارش سے لاہور اور کراچی کا موازنہ ہوگیا ہے، اور بلاول بھٹو کا مناظرے کا چلینج بارش میں بہہ گیا ہےکراچی میں ٹھاٹھیں مارتا سمندر تباہی کا منظر پیش کر رہا تھا، مائیں بہنیں گھٹنے گھٹنے پانی سے گزر رہی تھیں۔ کراچی جیسی حالت لاہور کی ہوتی تو الیکشن سے دستبردار ہوجاتالاہور میں پارٹی رہنماؤں کے ہمراہ پریس کانفرنس کرتے ہوئےشہباز شریف کا کہنا تھا کراچی جیسی صورتحال لاہور کی ہوتی تو بلاول کو کہتا میرے حلقے سے الیکشن لڑیں، میں الیکشن سے دستبردار ہوجاتا۔ شہبا شریف کا کہنا تھا کہ پی ٹی آئی دور میں چینی کا بحران پیدا کر کے اربوں روپے کا سرکای نقصان کیا گیا، چور ڈاکو کا ورد کر کے بدتمیزی کا طوفان برپا کیا گیا۔بانی پی ٹی آئی کو نشانہ بناتے ہوئے شہباز شریف نے کہا ٹرانسپیرنسی انٹرنیشنل کی رپورٹ سے ثابت ہوگیا چور کون ہے ؟ دودھ کا دوھ پانی کا پانی ہوگیا، ماضی میں کسی سیاستدان کا ایسا رویہ نہیں دیکھا جیسا بانی پی ٹی آئی کا تھا ، بانی پی ٹی آئی میں رعونت اور تکبر تھا۔صدر ن لیگ کا کہنا تھا کہالیکشن لڑنے کا ہر شخص کو حق حاصل ہے، بلاول کراچی، لاہور، میانوالی، کوئٹہ سے الیکشن لڑیں، ان کا حق ہے لیکن پیسے بانٹ کر شناختی کارڈ رکھنا ووٹ کی بدترین توہین ہے، اگر ووٹ خریدنے کی بات درست ہے تو یہ ووٹ کی عزت نہیں توہین ہے، اگلا الیکشن پاکستان کی قسمت کا فیصلہ کرے گا، عوام ہماری کارکردگی دیکھ کر 8 فروری کو ووٹ دے گی۔
