• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چارسدہ انتخابی تیاریاں ،حساس پولنگ سٹیشنزمیں کیمرے نصب

میرا شہر
پشاور
07 فروری ، 2024
پشاور(اے پی پی)چارسدہ میں عام انتخابات کیلئے تمام تر تیاریاں مکمل کر لی گئیں ۔ انتہائی حساس پولنگ سٹیشنز پر سی سی ٹی وی کیمرے نصب کئے گئے ، ضلع میں 746پولنگ سٹیشن پر 5ہزار سے زائد پولیس اہلکار تعینات کر دیئے گئے ۔ ڈپٹی کمشنر عدنان فرید آفریدی نے میڈیا سے گفتگو کرتے ہوئے کہا کہ 2قومی اور 5صوبائی اسمبلی کے حلقوں پر انتخابات کو پر امن اور خوشگواربنانے کیلئے تمام تر انتظامات مکمل ہیں، انتخابی مواد عبدالولی خان سپورٹس کمپلیکس میں 7فروی کو پریذائنڈنگ آفیسر کے حوالے کرنے کیلئے غیر معمولی انتظامات کیے گئے ہیں۔ مختلف کاؤنٹرز پر قومی اور صوبائی اسمبلی کیلئے بیلٹ پیپرز، بیلٹ بکس سمیت دیگر مواد پریذائنڈنگ آفیسرز کے حوالے کرینگے جس کیلئے ٹرانسپورٹ کا انتظام کیا گیا ہے اور سخت سکیورٹی میں انہیں متعلقہ پولنگ سٹیشنز کو پہنچائیں گے۔ انتہائی حساس پولنگ سٹیشن پر سی سی ٹی وی کیمرے بھی نصب کیے گئے ہیں۔پاک فوج کے دستے کیویک رسپانس فورس(کیوآر ایف) ڈیوٹیاں دینے کیلئے پہنچ گئے۔ پریذائنڈنگ آفیسر سے متعلقہ حلقوں کے ریٹرننگ آفیسرز نے حلف لے لیا ہے۔
پشاور سے مزید