• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ایس ایل، کراچی میں میچز کے لیے سکیورٹی پلان مرتب

آج کا اخبار
اہم خبریں
28 فروری ، 2024
کراچی( اسٹاف رپورٹر )پاکستان سپر لیگ-9 کے کراچی میں ہونے والے میچز کے حوالے سے سکیورٹی پلان مرتب کر لیا گیا ہے، پولیس کا شہریوں کی سہولت کیلئے تمام سڑکیں اور شاہراہیں ٹریفک کیلئے کھلی رکھنے کا اعلان ، پولیس ورینجرز سمیت قانون نافذ کرنے والے ادارے اسٹیڈیم، ایئرپورٹ، روٹس، ہوٹلز اور دیگر مختلف مقامات پر ڈیوٹی دینگے ، کسی بھی بینر/پوسٹر/پلے کارڈ جس پر مذہب یا نسل کی بنیاد پر امتیازی سلوک یا فحش باتیں درج ہوں کی سختی سے ممانعت ہے۔ نیشنل بینک اسٹیڈیم کراچی میں 28 فروری سے 18 مارچ تک کھیلے جانے والے پاکستان سپر لیگ کے نویں ایڈیشن کے میچز کے حوالے سے جامع سکیورٹی پلان مرتب کرلیا گیاہے۔سکیورٹی پلان کے مطابق مجموعی طور ایس ایس یو کے 1000 کمانڈوز، ٹریفک پولیس، اسپیشل برانچ، ریپڈ ریسپانس فورس (RRF)، ڈسٹرکٹ پولیس، سندھ رینجرز اور دیگرقانون نافذ کرنے والے اداروں کے اہلکاروں کے ہمراہ اسٹیڈیم، پریکٹس گراوٗنڈ، کراچی ایئرپورٹ، روٹس، ہوٹلز اور دیگر مختلف مقامات پر ڈیوٹی سر انجام د یں گے۔
اہم خبریں سے مزید