فرمان الہی
نماز کے اوقات
کراچی (اسٹاف رپورٹر) ایچ بی ایل پی ایس ایل کے رنگ پنڈی میں بھی سجنے کو تیار ہیں، پاکستان سپر لیگ میں شرکت کے لئے اسلام آباد یونائیٹڈ کی ٹیم کراچی سے پنڈی پہنچ گئی۔پنڈی اسٹیڈیم میں پانچ پچوں پر میچ کرانے کی تیاری ہے اور اس بار کنڈیشنز بیٹنگ کے ساتھ بولنگ کیلئے ساز گار ہوں گی۔ محکمہ موسمیات کے مطابق ہفتے کو جڑواں شہر راولپنڈی اسلام آباد میں بارش کی پیش گوئی کی گئی ہے۔ بارش کو مدنظر رکھتے ہوئے گراؤنڈ میں کوورز کو تیار رکھاگیا ہے۔ چار انکلوژر میں عارضی کرسیاں لگانے کا کام بھی جاری ہے۔ گزشتہ چند سالوں کی طرح اس بار کرسیوں کو رنگارنگ کپڑے سے ڈھانپنے کی بجائے کالا رنگ پہنایا جارہا ہے۔ پنڈی کرکٹ اسٹیڈیم میں 2 سے 10 مارچ تک پی ایس ایل کے 9 میچز کھیلے جائیں گے۔
