فرمان الہی
نماز کے اوقات
کراچی(اسٹاف رپورٹر)پاکستان کے خلاف ٹی20 سیریز سے قبل سیکیورٹی انتظامات کا جائزہ لینے کیلئے کرکٹ نیوزی لینڈ کا دو رکنی وفد اتوار کی صبح اسلام آباد پاکستان پہنچ گیا۔جس کے بعد وہ لاہور جائے گا۔اپریل میں نیوزی لینڈ کرکٹ ٹیم پانچ ٹی ٹوئینٹی انٹر نیشنل میچ کھیلنے لاہور اور پنڈی آئے گی۔وفد ہوٹل ،ٹیم کے روٹ اور گراونڈ میں سیکیورٹی انتظامات کا جائزہ لے گا اور پی سی بی حکام سے ملاقات کرے گا۔نیوزی لینڈ ٹیم کی سیکیورٹی کا جائزہ لینے کیلئے نیوزی لینڈ پلیئرز ایسوسی ایشن کے ہیتھ ملز اور غیر جانب دارسکیورٹی ماہر رگ ڈیکاسن شامل ہیں۔وفد پہلے مرحلے میں اسلام آباد اور راولپنڈی میں انتظامات کا جائزہ لے گا، بعدازاں ٹیم کے ہوٹل اور پنڈی اسٹیڈیم بھی جائے گا جبکہ پی سی بی کی جانب سے نیوزی لینڈ کے وفد کو اعلیٰ سطح کی بریفنگ بھی دی جائے گی۔
