• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اٹلی، پاکستانی باکسر زوہیب ساتھی خاتون کے پیسے چرا کر سلپ ہوگئے

آج کا اخبار
اہم خبریں
05 مارچ ، 2024
کراچی (اسٹاف رپورٹر) پاکستانی باکسر زوہیب رشید پیرس اولمپک کیلئے تو کوالیفائی نہیں کرسکے، لیکن ساتھی خاتون کھلاڑی کی رقم چوری کرکے دنیا بھر کے میڈیا میں نمایاں مقام حاصل کرنے میں کامیاب ہوگئے، اٹلی کے شہر میلان میں اولمپک باکسنگ کے مینز اور ویمنز مقابلوں میں شرکت کیلئے تین مرد اور دو خواتین پرپاکستانی باکسروں کی کوالیفائنگ راؤنڈ میں شرکت کیلئے جمعہ کو یہاں پہنچی تھی اور ہفتے سے کوالیفائنگ راؤنڈ کاآغاز ہوا۔ اتوار کو 51 کلو گرام میں زوہیب رشید باکسنگ رنگ میں نہ آئے جس پرمخالف باکسرکوواک اوردیکر کامیاب قرار دیدیا گیا۔ زوہیب کے رنگ میں نہ آنے کی وجوہات دریافت کی گئیں تو پتہ چلا کہ وہ ساتھی کھلاڑی کی رقم چرا کر ہوٹل سے ہی فرار ہوچکے ہیں ۔ پاکستان باکسنگ کا غیرملکی کرنسی کی چوری کی تصدیق کرتے ہوئے کہنا تھا کہ خاتون باکسر ٹریننگ کیلئے باہر گئیں تو زوہیب رشید نے ہوٹل کے استقبالیے سے کمرے کی چابی لی اور بیگ سے تقریبا 250 پاؤنڈ (تقریباً 88 ہزار پاکستانی روپے) لیکر فرار ہو گئے ۔ وہ اتوار سے لاپتہ ہیں جس کی پولیس میں رپورٹ بھی درج کرا دی گئی ہے۔
اہم خبریں سے مزید