فرمان الہی
نماز کے اوقات
کراچی( اسٹاف رپورٹر )کراچی میں آج سے پی ایس ایل سیزن 9 کے بقیہ میچز کے لیے پارکنگ اور ہیوی ٹریفک سے متعلق ہدایات جاری کر دی گئیں،میچز 18 مارچ تک نیشنل اسٹیڈیم میں کھیلے جائیں گے ،پولیس کے مطابق سر شاہ سلیمان روڈ ٹریفک کیلئے کھلی رہے گی، کراچی ٹریفک پولیس نے شائقین کرکٹ کیلئے پارکنگ کیلئے خصوصی ٹریفک پلان مرتب کیا ہے،پارکنگ کے مقامات میں نیشنل کوچنگ سینٹر اور ان /چائنا گرائونڈ پارک اور ایکسپو سینٹر پارکنگ شامل ہیں، کارساز سے آنے والے حبیب ابراہیم رحمت اللہ روڈ ، اسٹیڈیم فلائی اوور کے نیچے سے ہوتے ہوئے جبکہ ملینیم سے آنے والے اسٹیدیم روڈ(پیر صبغت اللہ شاہ راشدی روڈ) سے ہوتے ہوئے ، اسٹیڈیم فلائی اوور کے نیچے سے دائیں جانب ،نیوٹاؤن سے آنے والے اسٹیدیم روڈ(پیر صبغت اللہ شاہ راشدی روڈ) سے ہوتے ہوئے ، آغا خان ہاسپٹل کے بعد بائیں جانب سر شاہ سلیمان روڈ پر نیشنل کوچنگ سینٹر /چائنا گراؤنڈ میں اپنی گاڑی پارک کریں،اسکے علاوہ ایکسپو سینٹر پارکنگ کا اضافہ کیا گیا ہے ، شائقین اپنی کار/موٹر سائیکل ایکسپو سینٹرمیں پارک کریں گے۔ وہاں سے شٹل سروس کے ذریعے نیشنل اسٹیڈیم تک پہنچایا جائے گا،دریں اثنا سہراب گوٹھ سے جانب نیپا ، لیاقت آباد نمبر 10 سے جانب حسن اسکوائر ،پی پی چورنگی سے جانب یونیورسٹی روڈ ،کارساز سے اسٹیڈیم، ملینیم تا نیو ٹاؤن ،اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا۔
