فرمان الہی
نماز کے اوقات
لاہور(مقصود اعوان )آصف زرداری نے2008 کے مقابلے میں 70 ووٹ کم لیے،نو منتخب صدر نے2008 میں481 الیکٹورل ووٹ لیکر کامیابی حاصل کی تھی، دوسری مرتبہ صدر مملکت منتخب ہونے والے آصف علی زرداری 2008 ء کے اپنے پہلے صدارتی انتخاب کا ریکارڈ نہ توڑ سکے آصف علی زرداری نے 2008ء کے صدارتی انتخاب میں 481 الیکٹرول ووٹ لیکر کامیابی حاصل کی تھی۔ ان کے مدمقابل مسلم لیگ نون کے سعید الزماں صدیقی نے 153 جبکہ مسلم لیگ قاف کے مشاہد حسین سیدنے 44ووٹ حاصل کیے تھے۔ 2008 ء کے صدارتی انتخاب کے برعکس گزشتہ روز آصف علی زرداری نے 411 الیکٹرول ووٹ لے کر دوسری مرتبہ صدر منتخب ہوئے ہیں، اس طرح صدر آصف علی زرداری نے2008 کے مقابلے میں 70 ووٹ کم لیے ہیں 2024 میں آصف زرداری کے مدمقابل صرف ایک ہی امیدوار محمود خان اچکزئی تھے۔
