فرمان الہی
نماز کے اوقات
کراچی (اسٹاف رپورٹر) پاکستان سپر لیگ نائن کے بقیہ پانچ میچ تاریخ میں پہلی بار رمضان میں کھیلے جائیں گے۔ پیر کی شب نیشنل اسٹیڈیم میں میچ میں تماشائیوں کی بڑی تعداد شریک نہ ہوسکی اس لئے رمضان کے پہلے ہفتے میں تماشائیوں کو اسٹیڈیم میں لانا پی سی بی انتظامیہ کیلئے بڑا چیلنج ہوگا۔ فائنل پیر کو کھیلا جائے گا جبکہ اتوار کو کوئی میچ نہیں رکھا گیا۔کراچی میں ابھی تک کسی میچ میں اسٹیڈیم آدھا بھی نہیں بھر سکا۔ شائقین شکوہ کرتے ہیں کہ اسٹیڈیم کے باہر باکس آفس بناکر ٹکٹ فروخت کئے جائیں۔ شام کو رمضان کا چاند نظر آتے ہیشہری بڑی تعداد میں شاپنگ کیلئے نکل پڑے اور جو آفس میں تھے وہ گھر کو روانہ ہوگئے اس لئے اسٹیڈیم کے اطراف اور شاہراہ فیصل پر ٹریفک جام ہوگیا۔ جس کی وجہ سے پشاور اور کراچی کی ٹیموں کو اسٹیڈیم پہنچنے میں مشکلات پیش آئیں اور ٹیمیں راستہ کلیئر ہونے کے بعد آدھے گھنٹے تاخیر سے اسٹیڈیم پہنچیں۔
