فرمان الہی
نماز کے اوقات
کراچی (اسٹاف رپورٹر)ایچ بی ایل پی ایس ایل میں فیورٹ لاہور قلندرز اور روایتی حریف کراچی کنگز نے مایوس کن انداز میں بالترتیب چھٹے اور پانچویں نمبر پراختتام کیا۔ان کے آخری میچ میں پشاور زلمی نے دلچسپ مقابلے کے بعد دو رنز سے شکست دے کر پوائنٹس ٹیبل پر پہلی پوزیشن حاصل کرلی۔ پیر کی شب آخری اوور میں17 اور آخری گیند پر چار رنز کی ضرورت تھی۔ لیکن عامر جمال نے گیارہ رنز دیے۔ کراچی پانچ وکٹ پر145 رنز بناسکی۔ عرفان نیازی 39 اورانور علی 14رنز بناکر ناٹ آؤٹ رہے۔ عرفان نیازی کو ٹورنامنٹ کی دریافت کہا جارہا ہے انہوں نے9 میچوں میں171 رنز بنائے ۔ کراچی پہلے ہی ٹورنامنٹ سے باہر ہوچکی تھی ۔ ٹورنامنٹ میں کراچی کنگز نے دس میچوں میں سے چھ میں شکست کھائی اور8 پوائنٹس کے ساتھ فنش کیا۔ جبکہ زلمی کے میچ بھی مکمل ہوئےاس نےچھٹی کامیابی حاصل کی اور اس کے پوائنٹس13ہوگئے۔ لیگ کے آخری میچ میں بھی کپتان شان مسعودبغیر کوئی رن بنائے صائم کی گیند پر بولڈ ہوئے۔ کراچی کے نیشنل اسٹیڈیم میں سلو اور ٹرننگ لیکن باؤنسی پچ پر بیٹسمینوں کو مشکلات پیش آئیں۔ اسپنرز کے خلاف بیٹنگ آسان نہیں تھی۔ پشاور زلمی نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 147 رنز بنائے تھے۔کپتان بابر اعظم 51 رنز بنا کر نمایاں رہے۔
