• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ موٹرسائیکل چھیننے والے گروہ کا سرغنہ زخمی حالت میں گرفتار

میرا شہر
کوئٹہ
16 مارچ ، 2024
کوئٹہ ( اسٹاف رپورٹر)پولیس نے فائرنگ کے تبادلے میں موٹرسائیکل چورگروہ کے سرغنہ کو زخمی حالت میں گرفتار کر لیا پولیس کے مطابق ایس پی سریاب ڈویژن شفقت امیر جنجوعہ کو اطلاع ملی تھی کہ منظور شہید تھانے کی حدود سے نوجوان سے موٹرسائیکل چھین لی گئی ہے اور ملزمان مشرقی بائی پاس سے سیٹلائیٹ ٹاؤن کی جانب جا رہے ہیں جس پر ڈی ایس پی سریاب عابد جدون اور ایس ایچ او خالق شہید تھانہ گل محمدکی سربراہی میں ٹیم تشکیل دی گئی جس نے ناکہ بندی کر کے سخت چیکنگ شروع کی اسی دوران ایک موٹرسائیکل سوار کو روکنے کا اشارہ کیاگیا تاہم موٹرسائیکل سوار پولیس پر فائرنگ کرتے ہوئے فرار ہونے لگا تاہم پولیس کی جوابی فائرنگ سے ملزم زخمی ہوگیا جسے پولیس نے گرفتار کر کے چھینی گئی موٹرسائیکل اور ٹی ٹی قبضے میں لے لی پولیس نے بتایا کہ گرفتار ملزم نصیر احمد گروہ کا سرغنہ ہے ۔
کوئٹہ سے مزید