اسلام آباد (صباح نیوز) پی ٹی آئی نے سینیٹ انتخابات کیلئے امیدواروں کو حتمی شکل دیدی۔پارٹی کے بانی چیئرمین عمران خان نے ناموں کی منظوری دیدی ہے۔ مراد سعید، فیصل جاوید، اعظم سواتی خیبرپختونخوا سے پی ٹی آئی کے امیدوار ہونگے حامد خان اور زلفی بخاری پنجاب سے نامزد، صنم جاوید یاسمین راشد بھی امیدوار ہونگی۔ترجمان کے مطابق خیبرپختونخوا اور پنجاب سے اپنے امیدواروں کے نام فائنل کر لیے ہیں۔ عمران خان نے ہفتہ کو سینیٹ ٹکٹوں کیلئے اپنی پارٹی کے امیدواروں کے ناموں کی منظوری دیدی جسکے بعد پارٹی نے ایوان بالا کے انتخابات کیلئے امیدواروں کی حتمی فہرست جاری کردی۔ کے پی سے جنرل نشستوں پر مراد سعید، فیصل جاوید خان، مرزا آفریدی، عرفان سلیم اور خرم ذیشان پارٹی کے امیدوار ہونگے، جبکہ اظہر مشوانی مراد سعید کے کورنگ امیدوار ہونگے۔ ٹیکنو کریٹ کی نشستوں پر اعظم سواتی اور ارشاد حسین جبکہ خواتین کی نشست پر عائشہ بانو اور روبینہ ناز نامزدکی گئی ہیں۔اسی طرح پنجاب میں حامد خان اور زلفی بخاری جنرل نشستوں پر پارٹی کے امیدوار ہیں اور عمر سرفراز چیمہ اور کرنل اعجاز منہاس کورنگ امیدوار ہوں گے۔مزید برآں صنم جاوید خواتین کی نشست پر پارٹی کی امیدوار کے طور پر سینیٹ الیکشن لڑیں گی جبکہ ڈاکٹر یاسمین راشد پنجاب سے سینیٹ انتخابات میں ٹیکنوکریٹ کی نشست پر امیدوار ہونگی۔
فرمان الہی
نماز کے اوقات
