فرمان الہی
نماز کے اوقات
کراچی (اسٹاف رپورٹر) پاکستان سپر لیگ نائن کی فاتح اسلام آباد یونائیٹیڈ کو14کروڑ روپے کی خطیر انعامی رقم ملی۔ رنرز اپ ٹیم ملتان سلطانز بھی 5کروڑ 60 لاکھ کی انعامی رقم حاصل ہوئی۔ ا فائنل کے پلیئر آف دی میچ اسلام آباد کے عماد وسیم قرار پائے ۔ پلیئر آف دی ٹورنامنٹ کا ایوارڈ اسلام آباد یونائیٹڈ کے کپتان شاداب خان نے جیتا۔ ایمرجنگ پلیئر آف دی ٹورنامنٹ کراچی کنگز کے عرفان خان نیازی، بہترین بیٹر ملتان سلطانز کے اماراتی بیٹرعثمان خان ، بہترین بولر ملتان سلطانز کے اسامہ میر ، بہترین فیلڈر عرفان خان نیاز ی، سپر آل راؤنڈر صائم ایوب اور بہترین وکٹ کیپر اعظم خان قرار پائے ۔ اسامہ میر نے فضل محمود کیپ اور بابر اعظم نے حنیف محمد کیپ جیتی۔ اسپرٹ آف کرکٹ ایوارڈ پشاور زلمی کے نام رہا۔
