فرمان الہی
نماز کے اوقات
اسلام آباد (محمد صالح ظافر) چین نے پاکستان میں ارزاں سولر سسٹم کی فراہمی کے لئے اس میں استعمال ہونے والے پینلز، کنورٹرز اور بیٹریز سمیت تمام آلات تیار کرنے والے کارخانے پاکستان میں لگانے کے لئے آمادگی ظاہر کردی ہے، اس سلسلے میں چینی حکام سے بات چیت شروع ہوگئی ہے۔
ماہ رواں میں پاکستان کا اعلیٰ سطح وفد چینی قیادت سے مذاکرات کے لئے بیجنگ جائے گا تو اس حوالے سے مزید پیش رفت ہوگی۔
اس کا انکشاف منصوبہ بندی و ترقیات کے وفاقی وزیر پروفیسر احسن اقبال نے یہاں مختصر گفتگو کے دوران کیا۔
انہوں نے بتایا کہ چین اور بعض یورپی ممالک نے سولر سسٹم کی مصنوعات کی ارزاں نرخوں میں فراہمی پر اجارہ قائم کر رکھا ہے دوسرے ممالک کے صنعت کار ان کا مقابلہ نہیں کرسکتے جبکہ چین کے پاس اپنی اور دوسرے ممالک کی وسیع منڈی دستیاب ہے جہاں مصنوعات کی وسیع پیمانے پر کھپت کے باعث اس کی پیداواری لاگت کم ہوجاتی ہے۔
