فرمان الہی
نماز کے اوقات
اسلام آ باد ( نمائندہ جنگ) وزیراعظم شہباز شریف دو روزہ دورے پر ہفتہ کی شام سعودی عرب پہنچ گئے۔مدینہ منورہ کے ہوائی اڈے پر مدینہ منورہ کے گورنر شہزادہ سلمان بن سلطان آل سعود نے وزیراعظم کا استقبال کیا۔وزیراعظم شہباز شریف نے ہفتہ کی رات مدینہ منورہ میں قیام کیا اور مسجد نبوی صلی اللّٰہ علیہ وآلہ وسلم میں نماز ادا کی ۔ قبل ازیں وزیر اعظم علامہ اقبال انٹرنیشنل ایئر پورٹ سے سعودی عرب روانہ ہو ئے۔ وفاقی کابینہ کے اراکین اسحاق ڈار ، خواجہ آصف ، محمد اورنگزیب ، عبد العلیم خان، عطاء اللّٰہ تارڑ اور احد خان چیمہ وزیراعظم کے ہمراہ ہیں۔وزیراعلیٰ پنجاب مریم نواز شریف بھی وزیراعظم کے ہمراہ ہیں، وزیراعظم اپنے وفد کے ہمراہ کمرشل پرواز کے ذریعے سعودی عرب روانہ ہوئے۔
